ବଲାଙ୍ଗିର: ଛାତ୍ର ମାରଣ ନୀତି ବିରୁଦ୍ଧରେ ରାଜରାସ୍ତାକୁ ଓହ୍ଲାଇଲା ବଲାଙ୍ଗୀର ଜିଲ୍ଲା ଛାତ୍ର କଂଗ୍ରେସ I କଂଗ୍ରେସ ସରକାର ସମୟରେ ଛାତ୍ରଛାତ୍ରୀ ମାନଙ୍କୁ ସରକାରୀ ଯାନବାହାନ ଗୁଡିକରେ ସମ୍ପୂର୍ଣ୍ଣ ମାଗଣା ଓ ଘରୋଇ ବସରେ ୫୦ ପ୍ରତିଶତ ଭଡ଼ା ନିଆଯାଉଥିଲା I କେନ୍ଦ୍ରରେ ବିଜେପି ସରକାର ଆସିବା ପରେ ତାକୁ ବନ୍ଦ କରି ଦିଆଯାଇଥିଲା I ଯାହାଫଳରେ ବିଶେଷ କରି ଗରିବ ଛାତ୍ରଛାତ୍ରୀ ମାନେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି ।  

ପଇସା ଅଭାବରୁ ସେମାନେ ସ୍କୁଲ, କଲେଜ ଆସି ପାରୁନାହାନ୍ତି ବୋଲି ଅଭିଯୋଗ କରିଛନ୍ତି ଛାତ୍ର କଂଗ୍ରେସ I ଏବେ ଡବଳ ଇଞ୍ଜିନ୍ ସରକାରରେ ଜାତୀୟ ଶିକ୍ଷାନୀତି ଲାଗୁ କରାଯାଇ ସଂସ୍କାର ଅଣାଯାଇଛି କିନ୍ତୁ ଏହି ଦାବିକୁ ସରକାର ଅଣଦେଖା କରୁଛନ୍ତି I ସରକାର ଛାତ୍ରଛାତ୍ରୀ ମାନଙ୍କ ପାଇଁ ଏହି ଯୋଜନା ଲାଗୁ ନକଲେ ଛାତ୍ର କଂଗ୍ରେସ ଆଗାମୀ ଦିନରେ ଆନ୍ଦୋଳନକୁ ଓଳାଇବ ବୋଲି ଛାତ୍ର କଂଗ୍ରେସ ଜାତୀୟ ପ୍ରବକ୍ତା ଅଙ୍କିତ ସାହୁ କହିଛନ୍ତି I